ရုပ်ရှင် အကယ်ဒမီ ဆုပေးပွဲအခန်းအနား စတော့မယ်။ ငယ်ငယ်ကဆို အကယ်ဒမီ နီးလာရင် ဘယ်မင်းသား ရပါစေ ဘယ်မင်းသမီး ရပါစေနဲ့ ဆုတောင်းရ ၊ငါ့လူရမှာပါ နင့်လူ မရနိုင်ပါဘူးနဲ့ ညီအမချင်း ငြင်းခုန်ကြနဲ့ တအိမ်လုံး ဆူညံနေတာပါပဲ။ သတင်းလာတော့ ရေဒီယိုနား မျက်နာကပ်ပြီး မျက်လုံးလေး ပေကလပ် ပေကလပ်နဲ့ ငြိမ်ပြီး နားထောင်ကြတာများ တယောက် အသက်ရှုသံဟာ တယောက် အတွက် ကျယ်လွန်းတယ် ထင်တယ်။ကိုယ်ရစေချင်တဲ့ သူတွေ ရရင် ဟေးဆိုပြီး ပျော်လိုက်၊ မရဘူးဆိုလည်း တရှုံ့ရှုံ့နဲ့ငိုလိုက်သေးတာမျိုး။ ဟိုးတုန်းကတော့ အကယ်ဒမီ ဆိုတာ ဘာရယ်ညာရယ် သိလို့တော့ မဟုတ်ဘူး ၊ ကိုယ်တို့ ကလေးတွေ အတွက် ရင်ခုန်စရာ ကောင်းခဲ့တယ် ဆိုရမလိုပဲ။
အကယ်ဒမီ ဆုပေးပွဲ ပြီးရင် ကိုယ်က မင်းသား မင်းသမီး ပုံတွေ သတင်းစာထဲက ဖြတ်၊ ဗလာစာအုပ် ဖြူဖြူပေါ် ကော်နဲ့အပြီအပြင် ကပ်၊ကျောင်းမှာ သူငယ်ချင်းတွေက ကိုယ့်စာအုပ်လေးကို အလုအယက်ကြည့်ကြနဲ့ ။ဟိုလူက အိမ်ကို တရက် ငှားပါအုန်း ၊ဒီလူက တရက် ငှားပါအုန်းဆို ခပ်တည်တည်နဲ့ "မိန်းမတွေ ရိုရိုသေသေ ကိုင်ကြ"လို့ ဘ၀င် ခပ်မြင့်မြင့် ဆိုရင်း အငှားသွက်နေတဲ့ ကိုယ့်ရဲ့ အကယ်ဒမီစာအုပ် အတွက် ပျော်မဆုံးဘူး။
ငယ်ငယ်က ရုပ်ရှင်ကို ဒီလိုပိုးထ နေပေမဲ့ ဆယ်တန်း အောင်တဲ့ထိ ၂ ကား ၃ကားပဲ ကြည့်ဖူးတယ်။ ပထမဆုံး ကိုယ်ကြည့်ဖူးတာ ပန်းတွေနဲ့ဝေ ဇာတ်ကား ပဲ ။ ရုပ်ရှင်က ပြန်လာကတည်းက လက်ကိုင်ပုဝါလေး လက်က ရမ်းရင်း အိမ်ဘေးက ရွက်လှပင်တွေကြား "ပန်းတွေနဲ့ ဝေ ပန်းတွေနဲ့ဝေ ကိုယ့်ချစ်သူ ခေါင်းမှာ ပန်းလေးတွေနဲ့ ဝေ"လို့ ဆိုရင်း သစ်ပင်တွေကြား ပတ်ပြေးရတာ တနေ့တနေ့ မော နေတာပဲ။ ဘာရယ် မသိဘူး ဒီသီချင်းလေးကို သိတ်ကြိုက်တယ်။ ရုပ်ရှင်ကြည့်ပြီးကတည်းက စပါယ်တွေ သီ ပန်ရ၊ နှင်းဆီ ပန်ရ၊ ဒေလီယာပွင့်ကြီး တောင် မလွတ်ဘူး။ ရုပ်ရှင်ကို သဘောကျပြီး ကိုယ့်ကိုကိုယ် ပန်တွေ နဲ့ ဝေပစ်ရင်း အကျေနပ်ကြီးကို ကျေနပ်နေတော့တာ။
တောသူတွေ ရုပ်ရှင်ကြိုက်တယ် ဆိုတာ ဟုတ်လောက်တယ်၊ တက္ကသိုလ်ရောက်တော့ မရောက်တဲ့ ရုံ မရှိတော့ဘူး။ သမ္မတရုံလည်း ရောက်တယ်၊ မြေနီကုန်းက ရုံတွေလည်း ရောက်တယ်၊ မင်္ဂလာဒုံက တိုင်းခန်းမ ဆိုတာလည်း ရောက်တယ်။ မြန်မာကား ကုလားကား အင်္ဂလိပ်ကား ကြုံသလို ကြည့်တော့တာပဲ။န၀ဒေးရုံ ကိုလည်း မှတ်မိသလောက်တော့ အပတ်တိုင်း ရောက်တယ်။
ဒီကြားထဲ ရုပ်မြင်သံကြားက ပြန်ပြတဲ့ ကားဟောင်းတွေ လည်း မလွတ်ဘူး။ ငယ်ငယ်က မကြည့်ရတာတွေ ပြန်ကြည့်ရလို့ စနေလို ညမျိုးဆို တီဗွီရှေ့ တမေ့တမော စောင့်ကြည့်သေးတယ်။ စာတွေ ဘယ်လောက် များများ စာမေးပွဲ ဘယ်လောက်နီးနီး၊ အစအဆုံးသာ မကြည့်တာရှိမယ် အတန်းငယ်တုန်းကတော့ ထွက်သမျှကားတော့ ကြည့်ဖြစ်၊ ရှိသမျှ ရုံ ရောက်၏ ဆိုရင်လည်း မမှားဘူးပေါ့။
အိမ်မှာ ဆို ကိုယ်က ရုပ်ရှင်ထဲက ဇာတ်ဝင်ခန်းတွေကို ပြန်ပြီး လုပ်ပြတယ်။ အဲ့ထဲက ဒိုင်ယာလော့တွေကို အမူအယာနဲ့ အပြီအပြင် ပြောပေါ့။ မေမေတို့က က်ိုယ်လုပ်ပြတာ ထိုင်ကြည့်ပြီး အူတက်အောင် ရီကြတယ်။ တခါတလေ သူတို့တွေ ရီရလွန်းလို့ "မောလာပြီး တော်ပါတော့၊ မလုပ်ပါနဲ့တော့"နဲ့ အတင်းတားကြတယ်။ ဒီအကျင့်က ဖျက်မရတော့ အဆောင်ရောက်တော့လည်း လုပ်မိရော ဆိုပါတော့။
တခါမှာ သူငယ်ချင်းတယောက်က ထမင်းပန်းကန်လေးကိုင်ရင်း "အဆောင်မှာလည်း တနေ့လာလည်း ဘဲဥ ငါတို့ ဆင်းရဲလိုက်တာဟာ"လို့ ပြောတယ်။ ကိုယ်က ထမင်းစားရင်း "ဆင်းရဲတာ အပြစ်မဟုတ်ပါဘူး ကိုကိုရယ်"လို့လည်း ဆိုလိုက်ရော ၀ိုင်းရီကြပြီ ရုပ်ရှင်ဇာတ်ကားအကြောင်း တပြောပြောနဲ့ ထမင်း တလုပ်ပြီး တလုပ် စားကြတာ တဇလုံပြောင်ရော။
နောက်ပိုင်းကြတော့ အိပ်ချင်လာရင် အဆောင်ကောရစ်ဒါမှာ ရုပ်ရှင် ဖွက်တမ်း ကစားကြတယ်။ အမူအယာနဲ့ ဇာတ်ဝင်ခန်းက ဒိုင်ယာလော့ကိုတော့ ကိုယ်ကပဲ ပြောတယ်၊ သူငယ်ချင်းတွေက ရုပ်ရှင် ဇာတ်ကား အမည်ပြောပေါ့။ ကိုယ်က ဟန်နဲ့ပန်နဲ့ "ဆယ်နှစ် ဆယ် နှစ်"ဆို ဟေး "အကြွေး"။ တခါမှာတော့ ကိုယ်က လုံခြည်ကို ကျော်ဟိန်းလို ၀တ်၊ ပြီးတော့ သံမန်တလင်းပေါ် ထိုင်ချ၊ ရှေ့မှာ ချထားတဲ့ အ၀တ်လျှော်ဇလုံကို လက်က ထု ပါးစပ်ကလည်း "အဘရေ သောက် သောက်"နဲ့ ပြော အားလုံးက တ၀ါးဝါးနဲ့ ပွဲကြနေတုန်း "ပန်းမြိုင်လည်က အရူးမတွေ"ဆိုပြီး အဆောင်ဟောကျူတာ လာအော်ပါလေရော။ သူကလည်း ကိုယ့်အမူအယာ ကြည့်ပြီး သိနေတာကိုး ရီလိုက်ရတာ။
အဆောင် လှေခါးပေါ်ကနေ "မောင် မောလာလား ဟင်"လို့နှာသံလေးနဲ့ စံရှားတင် ရဲ့ ဇရာအိုနဲ့ ကညာပျိုပုံ "ကျနော် မမခင်ကို ချစ်များ ချစ်မိနေပြီလား" ဆိုတဲ့ ၀င်းဦး ပုံ
"ကျေပါနော် မအေးစိန် ၊ကျေပါတယ် ကိုသိန်းဖေ "ဆိုတဲ့ ကောလိပ်ဂျင်ဇာတ်ဝင်ခန်းပုံ
"ဟေ့ဒီမှာ ဗိုလ်လုပ်ချင်တဲ့ ကောင်ဆိုတာ ဒီလို ပစ်နိုင်မှ ဗိုလ်လုပ်လို့ရတယ်ကွ" ဗိုလ်အောင်ဒင်ဇာတ်ဝင်ခန်း
"ရှင်တို့က ရဲတွေလားဟင်" ကြည်ကြည်ဌေးပုံ
"ကိုကိုဆိုတဲ့ ကောင်စုတ် ၀တ်တော့ အစုတ် စားတော့ ပဲပြုတ်"နဲ့ နေအောင်
"ကိုကိုမောင်မောင် ဆရာလို့ခေါ်မယ်နော် "ဆိုတဲ့ ခင်သန်းနု
"မောင်ရန်နိုင်ရယ်..... မဝေကလေ......
"ဆွေလေ... ဆိုတဲ့ နှလုံးသား မြို့တော်ပုံ စုံအောင်ကိုး လုပ်ကြ တသောသောဟားကြပဲ။
"ကျေပါနော် မအေးစိန် ၊ကျေပါတယ် ကိုသိန်းဖေ "ဆိုတဲ့ ကောလိပ်ဂျင်ဇာတ်ဝင်ခန်းပုံ
"ဟေ့ဒီမှာ ဗိုလ်လုပ်ချင်တဲ့ ကောင်ဆိုတာ ဒီလို ပစ်နိုင်မှ ဗိုလ်လုပ်လို့ရတယ်ကွ" ဗိုလ်အောင်ဒင်ဇာတ်ဝင်ခန်း
"ရှင်တို့က ရဲတွေလားဟင်" ကြည်ကြည်ဌေးပုံ
"ကိုကိုဆိုတဲ့ ကောင်စုတ် ၀တ်တော့ အစုတ် စားတော့ ပဲပြုတ်"နဲ့ နေအောင်
"ကိုကိုမောင်မောင် ဆရာလို့ခေါ်မယ်နော် "ဆိုတဲ့ ခင်သန်းနု
"မောင်ရန်နိုင်ရယ်..... မဝေကလေ......
"ဆွေလေ... ဆိုတဲ့ နှလုံးသား မြို့တော်ပုံ စုံအောင်ကိုး လုပ်ကြ တသောသောဟားကြပဲ။
အရင်က ရုပ်ရှင်တွေက အဆင့်ရှိတယ်၊ သရုပ်ဆောင်တွေ ကောင်းတယ် မကောင်းတယ် ဆိုတာထက် ဟိုးတုန်းက ကားတွေက အနည်းဆုံး ခုလိုလေး ပြန်ပြောဖြစ်စရာ၊ အမှတ်ရစရာ တခုခုတော့ ကျန်ခဲ့တယ်။ ဇာတ်လမ်း ဇာတ်အိမ် ခိုင်တယ်။ မိန်းကလေးရှင်ရဲ့ ဆန္ဒ၊ အဖေတခုသားတခု၊ "ယူလည်း နွားပဲ"ဆိုတဲ့ တပြည်သူ မရွှေထားတို့လိုကိုယ်သဘောကျခဲ့တဲ့ ကားတွေ ဒိုင်ယာလော့လေးတွေ ဇာတ်ဝင်ခန်းလေးတွေ အကယ်ဒမီကားမှ မဟုတ်ပါဘူး အမှတ်တရ ပြောစရာလေး ရှိခဲ့တယ်။
ခုတော့ အကယ်ဒမီ ဆုပေးပွဲတွေကို ရုပ်မြင်သံကြားက တိုက်ရိုက်ပြလာတော့ လူတိုင်းလို ကြည့်ချင်ရင် ကြည့်နိုင်တဲ့ အခန်းအနားမျိုး ဖြစ်လာတယ်။ တိုက်ရိုက်ကြည့်ရတော့ ပိုလို့ ကြည့်လို့ ကောင်းပါတယ်။ ဆုကြေငြာနီး မီးဆလိုက်တွေ၊ တယောက်ကို တယောက် ဖက်နမ်းဂုဏ်ပြုကြ တာတွေ၊ မင်းသား မင်းသမီး လှတပတတွေ တပြုံကြီး တပြိုင်တည်း ကြည့်ရတာတွေက သဘောကျစရာကောင်းပါတယ်။
မင်းသား မင်းသမီး ဆိုရင်လည်း မနှစ် တနှစ်က စရိုက်တဲ့ သူတွေကလွဲရင် အားလုံး အကယ်ဒမီ ရပြီးသားတွေပါပဲ။ ဇာတ်ကားတွေ အကြောင်းတော့ မပြောလည်း သိပါတယ်လေ။ မြန်မာမှုတွေလည်း ကောင်းကြတော့ ကိုးရီးယားကား တရုပ်ကား ကုလားကား ဘိုကား ကြည့်စရာမလိုသလောက်ပါပဲ။ ဒိုင်ယာလော့တွေက ပြင်းလွန်းလို့ ရုပ်ရှင်ဖွက်တမ်းလည်း မကစား ရဲတော့ပါဘူး။ ခုခေတ်ကားတွေကို ကြည့်ပြီး မိန်းကလေးတွေက ကိုယ်ငယ်ငယ်တုန်းက ပန်းတွေနဲ့ ဝေကြည့်ပြီး လိုက်လုပ်သလို လုပ်ကြရင်တော့ တွေးရဲ စရာမရှိဘူးမို့ မြန်မာ့ရုပ်ရှင်အကြောင်းလည်း မပြောချင်ဘူး၊ ဇာတ်လမ်း အကြောင်းလည်း မပြောချင်ဘူး အကယ်ဒမီဆုပေးပွဲအကြောင်းလည်း မပြောချင်ဘူး ဘယ်သူ့ အကြောင်းမှ ပြောကိုး မပြောချင်ဘူး လို မမြလေးလို ဆိုလိုက်ချင်တာပါပဲ။
အယ်ဇီ
